東網電視
更多新聞短片有「翻版黃美棋」之稱、曾獲工展小姐選舉季軍的潘敏濤（Mandy）於新年大解放！她指新年目標是在圈中靠口才凸圍，成為出色又性感的靚女主持！
不靠甜美外表的Mandy主打口才，向主持路進發。
潘敏濤（Mandy）
身穿大紅內衣的Mandy力Sell健康性感。
潘敏濤（Mandy）身穿又紅又綠的內衣應節，希望新一年事業大紅大紫，創出一番成績！Mandy初入行時已被指激似宅男女神黃美棋：「有次拍節目，個Cam Man一路叫我黃美棋，以為佢搞吓笑，點知佢真係以為我係！」但別以為她靠樣搵食，Mandy自言口才了得最煞食，並希望新一年能獨當一面，成為出色的主持！
喜愛挑戰
Mandy原本任職Fashion Designer，她笑言參選工展小姐是其事業的重要轉捩點，因選美令她開始喜歡在台上表現自己，故決定轉行做主持：「嗰陣成日要喺台上講嘢，又要背稿，又要有啲急才，都好有挑戰性！相反做Designer嗰陣唔多發揮，做主持就好玩得多！」
面皮厚任「窒」
Mandy去年已接過不同類型的主持工作，卻自認經驗不足，又自爆「蝦碌」事件：「試過講錯嘢，令觀眾聯想到色情成分，仲畀台下嘅人窒我，都唔知點應！」惟自認「面皮厚」的她未有尷尬，更指可當「搞吓氣氛」。Mandy又以「成功需苦幹」作為座右銘，希望未來接多些主持工作，累積經驗，以便日後有所成就！
Profile
Mandy去年勇奪第48屆工展小姐季軍，又不時為商品拍攝Road Show廣告，並踏上主持之路，常擔任節目或活動主持。
年齡：25歲
身高：1米65
三圍：32B、24、34
專案組
