朱千雪凍冰冰拍攝落水戲，一上水即披毛巾保暖。
無綫小花朱千雪與洪天明在網上分享濕身合照，據知兩人日前到屯門為新劇《拆局專家》拍攝一場落水戲。千雪於劇中飾演一名黑客，不慎遭人活捉逼供，更被掟落水圖滅口，幸獲天明英雄救美。提到拍攝時的情況，首次與天明合作的千雪說：「半夜拍有啲凍，好驚NG！好彩成功一Take過，本身都識游水，工作人員都準備周全，都唔驚嘅。（辛苦？）好彩係要分開拍，之後會安排個時間去泳池拍番水底部分。」
朱千雪與洪天明首度合作，齊齊落水！
提到《拆》劇有不少動作戲，千雪透露有一場飛車戲：「我係新牌仔，啱啱攞牌出車，都好想試吓！」
