歌手鄭俊弘（Fred）、吳業坤及許廷鏗等前晚錄影《勁歌金曲》，提到新歌《熊貓》成為冠軍歌，Fred笑言並非首次獲此佳績，但情緒仍非常高漲。提到《超級巨聲4》已開始錄影，出身自「巨聲幫」的他深信節目可吸引不少優秀的參賽者。

林欣彤祈求天賜良緣，脫離「剩女」行列。

鄭俊弘的新歌成為冠軍歌，吳業坤、許廷鏗及胡鴻鈞紛紛祝賀。

同場的吳業坤否認翻撻Super Girls成員Aka：「有傾吓偈，一直都係朋友。（撻過幾多個女仔？）我都想，啲新聞出咗後暫時都係做朋友先，有機會先再諗發展。」在旁的胡鴻鈞即取笑他不會「為一棵樹放棄整個森林」。至於再次擔任《勁歌》主持的許廷鏗自嘲記性差：「背稿唔係好記到，原來同歌詞係兩樣嘢，都驚要NG。」

另外，林欣彤（Mag）昨日到電台宣傳新碟，提到舊愛羅孝勇被指有新歡，她說：「知道咗一段時間。（佢新歡身材好好喎！）哦，我都唔識佢。（幾時到你有新歡？）問吓個天先，天賜良緣呀！」