鄭伊健、陳小春、錢嘉樂、林海峰及謝天華昨日為《Summer Pop Live In HK 2014香港夏日流行音樂節之歲月友情演唱會》舉行記者會，適逢草蜢舉行紅館騷，五子大講笑話：「佢哋合作咗咁多年開騷，我哋組成一年又上紅館！」問到是否挑戰草蜢？小春笑說：「我唔怕揪喎！」

拍《古惑仔》結緣的五子今年再踏上紅館開騷。

另外，提到有報道指計劃生B及老婆蒙嘉慧打排卵針，伊健O嘴說：「我點知呀？唔係呀！」天華加把口問：「係咪未講得住？」令伊健投降：「到時開騷先再講啦！」問到老婆是否要先調理身子？他直認不諱：「佢真係要呀，因為佢韌帶撕裂呀！」