HotCha的張紋嘉（Crystal）與師弟李安豪（Ivan）相約親手整番梘送給摯愛，二人不約而同表示仍保留前度送的禮物，皆因這是最深刻的回憶。不過，Crystal唯獨堅拒再收手織頸巾，皆因嫌男仔太冇Fashion Sense！

Crystal與師弟Ivan親手DIY番梘送給摯愛，製成品又幾靚喎！

Crystal及Ivan細心留意師傅教導。

為了親手製作小禮物送給摯愛，Crystal和Ivan日前相約齊齊整番梘。在師傅指導下整得似模似樣的二人，原來求學時美術科「肥佬」，Crystal說：「我美術唔合格，最後一年攞F。」而Ivan亦說：「我美術讀到中三就冇讀，我藝術方面唔叻。」不過以前拍拖，二人都會收到情人親手製作的小禮物，至今仍印象難忘，Ivan說：「以前有個女朋友揼咗個皮筆袋畀我，見佢揼到手指頭都傷晒，如果佢送普通禮物我唔會咁深刻。」而Crystal表示曾收過有前男友與其蜜照在內的水晶玻璃球，但拒絕再收手織頸巾：「可能男仔冇咁細心，收過幾次頸巾，都唔戴得出街，可能佢哋冇嗰個Sense，所以男仔千祈唔好送頸巾畀我！」

近日Crystal推出新歌，歌曲講述情人與前度分手後依然形影不離，繼續關注前度的一舉一動。問到分手後可會留着前度送的禮物睹物思人？她說：「我係巨蟹座，最鍾意儲嘢，唔會丟前男友送畀我嘅禮物，嗰啲禮物好珍貴，記載住一段關係，所以我唔會掉。」

Ivan邀阿媽拍MV

而Ivan亦推出處男大碟，並請來媽媽為新歌MV擔任「女主角」：「我細個同媽媽關係唔好，返到屋企好少同佢講嘢，後尾我贏咗唱歌比賽，我媽媽喺Facebook話好為我驕傲。所以我新歌搵佢拍MV，拍之前佢勁抗拒，之後佢反而成日問我個MV幾時出。」他表示除了送自製番梘給媽媽作酬勞外，也會請媽媽吃飯。