內地影帝陳坤在好友周迅網晒戀情後約45分鐘，即在微博回應，附上三個示意「愛你」的符號以示支持。

黃曉明：「肯定會祝福！」

萬寶寶：「終於可以出聲了，so happy for u silly girl！」

古天樂：「（與周迅）一齊拍戲好耐，上個月先見面，完全唔察覺佢有咁令人羨慕嘅戀情，祝福。」

吳彥祖：「身邊好朋友嘅感情動向我哋竟然冇察覺，真係失敗中嘅失敗，周迅先係反竊聽高手。」

爾冬陞：「周迅應該享受愛情，但唔好因為愛情影響正常『工作』──尤其係6月3日嘅《竊聽風雲3》首映。」

劉青雲：「之前完全唔知情，依家冇辦法喇，睇我喺電影裏面搶佢返嚟！」

去年與高聖遠於亞洲電影大獎頒獎禮合作的陳霽平：「佢好Nice，覺得佢同周迅好襯。（做司儀表現？）佢好稱職，上年有關方面想加啲類似棟篤笑嘅內容，佢都應付自如。」

曾與高聖遠合作的Mandy Lieu：「好開心，搵到鍾意嘅人，又大方公開。（合作時有冇發現佢拍拖？）冇，做嘢唔講私事。（你有冇人追？）有，不過要有時間。」