劉嘉玲和老公梁朝偉多年來都十分恩愛，但原來她有不少秘密不會向老公傾訴！在新片《過界》中，嘉玲飾演依賴老公的孤獨闊太，但現實生活中的她卻是獨立自主的成功女性，氣場之大，就連首次執導的劉韻文都感到壓力！

現實中的劉嘉玲是一個獨立自主的成功女性。

劉嘉玲與陳坤有不少對手戲。

劉嘉玲在戲中飾演依賴老公的孤獨闊太。

首次執導的劉韻文，大讚嘉玲是個好的合作夥伴。

新片《過界》還未在港上映，已率先在康城、多倫多、溫哥華、倫敦及釜山等各地電影節參展，令首次執導的新晉導演劉韻文喜出望外，她說：「冇諗過去咁多影展，收到康城電話嗰陣都好興奮！」而嘉玲更演活了戲中寂寞闊太的角色，演技受到各界肯定和讚賞！

劉韻文透露在寫劇本時，嘉玲已出現在其腦海裏，是女主角的首選！但原來嘉玲起初因對新導演沒有信心而推辭，後來被監製及導演的堅持而感動，她說：「我好矛盾，因為一直都好想拍一套講女人內心同埋現代女人面對生活嘅電影，真係又開心又擔心！」

首次執導便面對劉嘉玲和陳坤兩位演技派巨星，劉韻文坦言難免會緊張：「好緊張、好有壓力，但佢哋兩個都好合作，好好人，好肯聽我講嘢，開始覺得佢哋唔係巨星，係合作伙伴，就冇壓力！」而嘉玲則大呻冤枉，笑言並沒有大家想像中難相處。

偉仔非傾訴對象

戲中的嘉玲將生活重心全寄託在老公身上，但現實中的她卻和角色完全相反，她說：「女人唔應該將所有寄託放喺男人身上，咁樣好冇安全感！」可見其獨立自主的個性絕對是女性的典範，而最令人羨慕的是她背後有一個非常支持她的男人--梁朝偉。但嘉玲坦言老公並不是無所不談的傾訴對象：「有啲嘢唔可以同老公傾！我有一兩個好知己嘅，佢哋可以同你整理吓問題同方向，但始終都要自己去行，只有自己最清楚想要啲咩！」