黎瑞恩嫌經典歌幼稚

十一年前淡出幕前的黎瑞恩，日前接受《東網》娛樂onShow主持廖嘉輝（Look）訪問，她透露將舉行慈善演唱會為聾啞小朋友籌款，不過她對表演作品保密，所以Look惟有逐首經典金曲拿出來估，估到曾爆紅的《一人有一個夢想》時，黎瑞恩竟然自爆唔Like這首歌！她說：「當我錄嘅時候我係唔鍾意，因為歌詞有一、二、三好似好幼稚，之前想擺脫好Cute嘅感覺，嗰陣已經廿一、二歲，覺得好奇怪，就諗可唔可以畀啲成熟啲嘅歌我唱呀！仲畀啲咁嘅嘢我唱，點知最後呢隻歌爆出嚟，所以要多謝監製。」

此外，黎瑞恩表示不會主動在小朋友面前談及曾是歌手：「我從來都唔會透露自己嘅身份，有啲過咗去就係過咗去，唔好成日提住，如果你成日提住，即係代表緬懷，成日諗番去後面，其實諗番前面會唔會好啲？」

拒做「怪獸家長」

談到對小朋友的期望，黎瑞恩自言並非「怪獸家長」，希望小朋友一步一步成長！她說：「我就要佢哋中文讀番好，因為佢哋讀國際學校，中文一定差啲，但一定要讀大學，唔會畀佢哋讀讀吓走咗去第二度，因為你要有知識先得，但我從來冇逼佢哋考咩學校，總之健健康康慢慢讀上去。」