女星文凱玲（Connie）身材與樣貌兼備，卻單身多時，她直言擇偶要求並不高，奈何緣分未到。提到早前網上流傳一段諷刺港女的短片，講述男士想找一個肯陪他吃快餐的女友，Connie笑言最愛吃「Cheap嘢」，相信能迎合不少男士：「短片幾得意，有時平嘢先有風味，香港有啲餐廳食幾千蚊都唔一定好味。（錫住男友荷包？）都係！我都娶得過o架！」她又表示不重視男方的經濟能力，以往更試過出錢養男友：「以前另一半失業，餐餐都係我請，邊個有就邊個畀囉！之後先發現對方會唔開心，依家會平衡番！（養埋對方都冇問題？）睇一齊有幾開心，搵個真心錫自己嘅人好難。」

文凱玲不介意出錢請男友食飯，果然係一個娶得過嘅女友！