陳靜（DaDa）後日正式復出擔任商場亮燈嘉賓，她昨午4時許與助手於銅鑼灣試新裝，問到導演錢國偉指她只致電彭浩翔實有大細超之嫌，DaDa說：「唔係！當日係有記者問我有冇聯絡圈中人，我話彭浩翔生日有傳訊息祝福啫，佢誤會咗喇！」對於被錢國偉不斷指摘失誠信，她說：「把口喺人哋度，要畀人鬧都冇辦法，惟有做好自己工作。」

戴上墨鏡的DaDa笑對鏡頭，與助手邊行邊傾，心情似乎唔錯！

錢國偉

DaDa友善地回答記者提問，雙手更一度合十。

此外，錢國偉前晚出席活動時大呻未收到DaDa道歉電話，但她卻向彭浩翔講生日快樂，他說：「我成績又唔及人，但我覺得係經理人問題。」問到會否禁用施念慈旗下藝人，他說：「世界係圓，最緊要兩個字誠信！」又暗寸說：「點解（DaDa）道咗歉認咗錯，仲要好似畀人蝦咁？」