蕭正楠、黃翠如、李泳豪及安德尊等昨日為新劇《師奶Madam》試造型，以靚女Look示人的翠如被誤會是師奶Look，對於被蕭正楠取笑看她廣告長大，翠如反擊說：「我夠聽佢啲歌大！」而對於被男富商「垂青」的傳聞，蕭正楠澄清說：「入行咁耐冇試過畀人問價，無論男女『照顧』形式都唔能夠接受，我情願捱餓喇！」問到可有「中間人」接洽？他即自爆「奇遇」：「冇，但有次行Catwalk發覺我啲衫特別少布，條褲又冇拉鏈，只用鞋帶綁住，又叫我唔好着底褲，話Wild啲，即刻買條T-back打底。」

黃心穎（左起）、蕭正楠及黃翠如將於新劇切磋演技。

而對於「前度」楊思琦傳與「巨聲幫」的陳康健撻着？李泳豪稱沒有聯絡，但若屬實會祝福。而有指前女助手兼緋聞女友車厘子與鄧兆尊及其女友發展「三人行」，安德尊說：「冇同車厘子聯絡，同兆尊就好好朋友，但唔清楚佢感情生活。」