戴上黑超Chok爆的藝人馬德鐘，昨日參與慈善步行活動，為參加者打氣。對於太太早前上載兒子的腹肌相到微博，馬德鐘指太太是以行動支持正努力習泳的兒子，還透露兒子正不斷長高：「佢依家已經同我平頭，驚佢高得滯！（兒子多唔多女仔追？）佢話未有女朋友，不過唔急嘅，佢先14歲。」另外，同場的陳僖儀和陳奐仁均表示即將推出新專輯，又大讚老闆黃柏高（Paco）愛錫藝人，陳僖儀指Paco收聽其電台訪問後，提醒她說話要慢一點，陳奐仁聽罷即說：「佢冇同我講過！我呷醋！」十分搞笑！
陳僖儀（左起）、馬德鐘和陳奐仁參與慈善步行活動。
