馬國明前女友胡定欣，今年初經朋友介紹，認識並撻着創作界新貴沈栢淳（Patt），30幾歲的Patt擁有自家廣告公司「Hivemind」並擔任創作總監。坦承與Patt拍拖數月的定欣最近如沐春風，昨日得知舊愛被女圍時，她尷尬地說：「大家成年人，結識異性唔好大驚小怪，咁我當然希望身邊朋友搵到啱嘅另一半，開開心心！（你有冇好介紹？）冇呀！佢自己知想點，我唔會干涉嘅！」
已有新歡的胡定欣大方祝福舊愛馬明早日搵到另一半。（資料圖片）
