陳偉霆詩雅拍咀戲受罪
英皇藝人陳偉霆（William）及詩雅在新片《紮職》中有大膽激咀戲，William說：「場戲喺後巷拍，又濕又污糟，劇情仲要我抱起詩雅放喺木箱上親熱，我怕詩雅喺木箱上唔穩陣，又要扶住佢又要好投入咁錫佢，有難度。為咗配合唔同拍攝角度，我哋咀足幾粒鐘，幾乎天黑咀到天光，真係好攰，所以好多時咀戲仲辛苦過打戲。」
詩雅則說：「場咀戲仲講我要被William壓埋牆咀，拍咗好耐，搞到背脊受罪！（拍激情咀戲尷尬？）我同William好熟，佢份人又鍾意搞Gag，唔會尷尬，我哋仲一齊研究點樣喺鏡頭前咀得更完美添！」
William與詩雅在後巷拍咀戲，看似享受其實有苦自知。
詩雅和William在新片中有很多對手戲。