行街貪靚變「髮」苟姑娘默認處女

與徐子珊相比，另一「女神」苟芸慧（苟姑娘）則對儀容重視得多！前日傍晚6時許，一身便服的她偕友人在中環逛平民時裝店，期間睇得津津有味，揀完手袋又揀衫，買下大袋戰利品才離開。發現記者後，本隨意地紮了個髻的她，急急放下頭髮並梳到靚一靚，才到超巿繼續Shopping，非常貪靚！

此外，苟姑娘昨日出席商場活動時，否認因擔心傳緋聞而與拍檔蕭正楠保持距離，並笑言希望下個緋聞對象是蒙嘉慧。談及王君馨自爆是處女，問到她是否一樣，她即害羞地說：「點答！好怕醜！我係基督徒，我會堅持自己嘅信仰！」

本將頭髮束成髻的苟芸慧，發現記者後即放下長髮，梳靚靚才繼續行街。