JJ陳僖儀酒吧騷遭抽水

賈曉晨(JJ)偕歌手陳僖儀(Sita)前晚出席酒吧周年派對,身穿低胸裙的JJ調酒搖杯時,酒客紛紛大嗌:「大力啲!」相當意淫!二人又與男酒客玩吹乒乓波,JJ俯身露出深長事業線,令酒客High爆舉機狂影兼大嗌:「我愛你!」在旁的Sita則慘被酒客借影相為名,搭膊抽水。已有兩、三年沒在港唱酒吧騷的JJ稱已向男友樊少皇報告,問男友有否叫她別穿得太性感?她說:「就算佢唔叫,我都唔會性感。(有過兩招你傍身?)唔使啦!我之前都有學過功夫,師傅教最好嘅方法係快啲走。」談到男友日前返港跟她食雞粥撐抬腳,她表示男友現已回青島工作:「佢咁啱有兩日假,返嚟一日陪我。(佢同舊愛攤牌?)我唔理亦唔管,件事過咗咁多年,我對佢好信任,而佢都係值得我信任嘅人。」對於與錢國偉的緋聞,JJ表示看完得啖笑,亦否認找過對方。而首次做酒吧騷的Sita自爆酒量差,曾試過在生日派對上被朋友灌醉至嘔。

JJ玩吹乒乓波時,露出事業線,酒客睇到眼都唔眨。

JJ大方握手,男酒客笑不攏嘴。

陳僖儀被酒客搭膊摸手臂,避無可避。