Aimee隔空冧陳豪
人逢喜事精神爽！陳豪與陳茵媺（Aimee）這對「Lovebird」愛得癡纏，絕對打風都打唔甩！這位愛郎每次出席活動都「Aimee」前「Aimee」後，難怪逗得伊人心情靚靚，時時眉開眼笑。Aimee日前上載自拍開車照，沐浴愛河的她容光煥發，高呼自己開工收工都開心，保持正能量輸送：「Love you all。」宅男們千祈咪開心得咁快住，相信她所指的「all」應該只泛指陳豪一人！
相片角度只見Aimee坐在司機位，未知陳豪是否正坐在旁邊乘客位幫女友揸機？好一個扮自拍奇招，又Fake到不少天真粉絲！其實，無綫今年旺結婚又旺生仔，陳豪早前又講明差不多儲夠老婆本，看來Aimee正式升呢為「陳太」指日可待，第時生番一打半打「陳仔」，印印腳飲咖啡做少奶奶好過！