張智霖雙眼神經壓血管

張智霖被拍得出入醫院的照片，結果被指「去驗精」，希望再索得女。他聞訊後指得啖笑，且自揭謎底：「我係有去醫院，不過佢哋將『驗睛』寫成『驗精』啫！」

張智霖（Chilam）月前開始發現雙眼眼皮不時不受控跳動，由於要拍電視劇《衝上雲霄II》，因不想影響工作，故在張學友經理人陳淑芬介紹下，覓得神經專科權威幫忙，他說：「醫生話我雙眼嘅神經線壓住血管，形成呢種現象，一係食藥、一係打啲Botox落去，可以頂得一陣，我覺得咁樣就無謂亂搞喇！惟有盡量爭取休息，睇吓可唔可以快啲好番。」

暫停玩機

樂天的Chilam笑言神經線壓住血管，名副其實的「黐線」﹕「我覺得係同自己成日玩電子產品有關，依家真係要叫停喇！」

對於被指入院「驗精」，Chilam不怒反笑說：「都做咗咁多年啦！唔通少少嘢就嬲咩？不過我使唔使呀？」談到《衝》劇的拍攝工作，他表示起碼忙到12月初，目前太太袁詠儀身在北京公幹，故即使患病亦要「食自己」。