Kelly抱重磅B腰痛

最近有奶粉被驗出有問題，陳慧琳（Kelly）昨日出席瑞士依波路錶發布會時，指細仔「小龍包」食用美國品牌，不受影響。她指細仔十分大隻：「有18、19磅，4個月大咋！」並自爆抱重磅細仔容易受傷：「抱得耐會由手連住腰痛。（千嬅甩骹？）佢誇啲，新手嘛！（佢『Keep Fat』？）我都仲差幾磅，着到以前嘅衫已經好Happy，老公對我嘅身形冇意見。」她又分享大仔「蝦餃仔」的趣事，指他見到弟弟喊會皺眉說「唔好喊啦」。此外，談及徐濠縈因被偷拍而掀罵戰，Kelly認為作為公眾人物不能介意。