法拉被困家中清潔工救駕

    • 無綫花旦陳法拉昨日戴上眼鏡出席活動，她表示平日大多戴隱形眼鏡，但戴得太多會令眼睛不適，故不用開工時會多戴眼鏡。問到母親節有何節目，她說：「嗰日要開工！（男友有冇投訴？）都會抽時間同佢食飯，飯點都要食，但就陪唔到我媽咪，所以會寄禮物畀佢。」雖然法拉的家人現居於美國，但她不太擔心家人的安全會受拉登之死所影響：「反而之前龍捲風會怕啲，因為佢哋住得近。佢哋住喺細城市，恐怖襲擊應該冇咁大影響。」

    另外，法拉在微博留言指出席活動前因門鎖有問題而被困屋內，最後靈機一觸，從露台拋鎖匙給路過的清潔工人幫忙解困。

    陳法拉表示母親節要開工，準備寄禮物給媽咪補數。