陳豪尷尬聞媺色變

陳豪被追問緋聞時經常面紅，記者問到陳茵媺被定義為家人或朋友時，他再度面紅，尷尬地笑言不懂回答。

陳豪昨日與楊洛婷及湯盈盈等為明珠台《港生活港享受》招募嘉賓主持，他風騷地自創「跪地」甫士，問到旗下咖啡店開張會否邀緋聞女友陳茵媺剪綵？他說：「OK呀！睇吓請唔請到啦！」至於有指他前往陳茵媺香閨的屋苑睇樓，有意黐到實近水樓台，他說：「買樓係投資，但如果價錢啱嘅，畀人講都會搬去住。」講到下周生日，陳豪坦言會約家人及朋友食飯慶祝，記者笑問陳茵媺被定義為家人還是朋友，陳豪極速面紅，並尷尬地笑說：「我唔識答你哋嘅問題。（感情穩定後會唔會公開？）我個人比較低調，無論係私生活定係做生意都好低調。」

楊洛婷性感搶鏡

此外，同場的楊洛婷性感亮相，極之搶鏡，她坦言不怕男友詐型，並笑說：「每次我着得性感佢都會嗌我做Sexy Baby，乜依家唔係要求啲女仔咁着咩？」她透露自從做司儀後有需要大量置裝，曾經試過上網一次過買20條裙，如今家中裙子多到塞滿櫃，更笑言歡迎大家有需要時向她借衫。