Theresa當眾出浴引仔埋身

    • 最近忙於寫書的傅穎（Theresa），前日身穿短褲仔在中環街頭拍劇，引來不少途人圍觀。一名老外一直站在旁邊眼甘甘望着她，其後更埋身搭訕，令Theresa露出尷尬笑容，工作人員見狀即上前了解，未幾老外便冇癮地轉身離開。

    其後，劇組轉往擺花街拍攝，Theresa躺在一個放有鯊魚紙牌的浴缸中，由一男一女抬住四圍走，而她則作狀興奮地與男演員戲水，落斜時，左搖右擺的Theresa顯得有點驚青。

    記者昨日致電Theresa，問到被老外調戲一事，她說：「唔係，佢只係好奇，過嚟問我哋做咩啫！（佢一直望住你喎！）我冇留意。（當眾瞓浴缸尷唔尷尬？）拍戲啫！唔尷尬！不過有少少驚，因為始終唔係兩個男仔抬我，有一個係女仔，加上當時又落斜，我驚自己過重多啲。」

    Theresa當街「出浴」，十分騎呢！

    老外上前搭訕，令Theresa不知所措，尷尬傻笑。

    坐在浴缸中被周圍抬的Theresa，沿途手舞足蹈地與拍檔嬉笑。