關伊彤台灣探未婚夫搬竇逃難

    • 日本地震引發海嘯波及台灣等地，前港姐關伊彤當時在台灣汐止探未婚夫，因事出突然，她擔心與未婚夫住的沿海寓所受到海淹，即收拾細軟「逃難」。剛巧當時好友Kawaii在台灣旅行，故伊彤與未婚夫將行李搬到其位於台北的酒店，解「水浸眼眉」之急，伊彤說：「今次過嚟除咗探未婚夫外，順便出席朋友喺台灣舉行嘅婚禮，但日本地震、海嘯又波及台灣，所以我哋怕有事，咪搬去Kawaii度，佢喺台北酒店住安全啲！地震翌日都撤消咗海嘯警告，但頻頻落雨，天氣都幾差！（幾時返港？）呢兩日，都唔敢留得耐，其實我近日都帶住護照喺身，諗住隨時逃難！」

    關伊彤赴台探未婚夫，卻要大逃亡。

    關伊彤（左二）與未婚夫搬到Kawaii（右二）下榻的酒店避難。