G.E.M.堅拒節食做大飯桶

天生「肥底」的女歌手鄧紫棋（G.E.M.），本要為5月舉行的紅館處女演唱會積極備戰、減肥節食，但這位「90後」歌手堅持「唔食會死」，故將整碟雞翼、春卷全部「質」入口！

日前G.E.M.以代言人身份為時裝品牌SKECHERS拍攝宣傳照，盡情流露為食本性。當她得知大會提供小食給工作人員及傳媒時，即老實不客氣，一支箭般「飆」入廚房睇餐單、點美食：「我要蒜香Wasabi牛柳粒。（冇喎！）吓？咁要七隻蜜糖雞翼、一碟春卷同蒜香雞軟骨、仲要炸香蕉，同埋草莓梳打。（梳打要唔要走甜呀？）唔使。」想不到G.E.M.人仔細細，但食量驚人。

G.E.M.透露已開始備戰紅館演唱會，近日勤背歌詞，問到可需要節食減肥？咬住蜜糖雞翼的她說：「唔使，我唔食嘢會死㗎！況且我19歲，發緊育，唔可以唔食。」G.E.M.覺得多做運動才是最健康、有效的減肥方法，所以蜜糖雞翼及草莓梳打絕不成為減肥的礙障。她又自圓其說，指雞翼是白肉不算肥，蜜糖是健康食品，相當有「道理」。

減肥致百病纏身

G.E.M.坦言絕不會倣效其他歌手、藝人戒食澱粉質食物：「我一日食三餐，晚餐一定會食一碗飯，其實唔食飯唔得㗎！最多消夜唔食飯、麵，轉食三文治囉！」她又以過來人身份呼籲減磅人士，減肥都要注重健康，她在最肥時曾節食，可惜卻弄壞了身體，以致百病纏身：「係瘦咗，但感冒成個月都唔好，所以我寧願肥，都唔想死。」