梁嘉琪燈籠皮袋盛酒

    • 酒品是不少人送禮之選，但若只用普通膠袋盛載似乎欠心思，無綫藝人梁嘉琪推介可裝單支酒的皮套：「人大咗，送禮要得體啲，送畀長輩可以考慮送紅酒，加埋呢個皮套就更Fit！」她大讚皮套既實用又雅觀：「佢用真皮做，仲喺法國運嚟，唔係度度買到，好特別！個設計可以保護到支酒，仲有兩條繩索方便攜帶，放低嗰陣又成個燈籠咁，好得意！」

    嘉琪自言被好友江若琳感染而開始學飲酒：「每日飲少少令皮膚好啲，化妝都上粉咗。」但她十分克制，從未試過醉倒：「驚醉咗會失禮，所以次次飲酒都好克制，唔會飲太多。」

    梁嘉琪每次飲酒只是淺嘗，以免醉酒失禮人前。

    梁嘉琪大讚這個盛酒皮套雅觀又得體。