諸葛梓岐唔信男友炒股靠自己

模特兒諸葛梓岐昨日探訪老人中心，提到傳出有名模投資失利蝕逾七百萬元，她揚言男友在股票投資方面眼光獨到，但她寧信自己，不會求教。

諸葛梓岐（Marie）昨日以關愛大使身份，聯同保良局慈善晚會籌委會成員探訪大角咀老人中心，與長者玩遊戲及派禮物。Marie男友薛嘉麟身為該籌委會名譽顧問，但昨日因事未能出席。首次探訪長者的Marie，自信能與長者融洽相處：「我好鍾意老人家，覺得佢哋好似小朋友，係要人氹！（做關愛大使係咪因為男友？）係部分原因，善事應該要做，我好有愛心o架！」問到有否與長者相處的經驗，她表示早前曾與男友的祖父輩見面，與他們相處愉快。

分享投資心得

對於近日傳出有名模因誤信金融才俊以致投資失利，損失逾七百萬元，有投資股票的Marie認為賺蝕屬正常事，問到是否眼光獨到？她說：「依家股巿好旺，買邊隻都唔會錯，最緊要唔好買仙股，買實力股，好似石油股、銀行股！」似乎近期在股巿上大有斬獲。問到男友在股巿投資方面表現如何？她大讚男友：「佢呢方面好叻，不過我唔會請教佢，呢啲係考自己眼光，而且每個人嘅心水唔同，如果佢叫我買，但唔中，唔通我賴佢咩？」