古巨基重視條腰多過獎
古巨基（基仔）昨日出席《蘭桂坊嘉年華2010》揭幕禮，受腰患困擾的他上落台時要用手扶腰，基仔表示已經看過不同科的醫生，情況已有改善，希望能盡快不用拿拐杖行路。基仔為無綫的重頭劇《巾幗梟雄之義海豪情》唱主題曲，有傳無綫頒發男歌手獎給他，基仔說：「完全冇諗過關於頒獎禮嘅事，最近都係忙緊舖頭開分店嘅事，依家冇嘢比健康更重要，醫好條腰先再算。」
同場的鍾舒漫（Sherman）演繹兩首歌曲，大受歡迎，對於同樣是基督徒的王祖藍跟李亞男公開戀情，她說：「係一件好幸福嘅事，希望成為一個風氣，之後個個藝人拍拖都唔使收收埋埋。（你會公開？）咁我都要尊重另一半嘅意願。」
鍾舒漫與基仔出席活動，獻唱兩首歌曲。
基仔上落台時用手扶腰。