世界波：天時暑熱5式體位速降溫

睇嚟地球暖化真係唔講得笑，本地多區持續超逾35℃高溫，美國更受新一輪熱浪侵襲，加州、洛杉磯等地，錄得攝氏39℃酷熱警報，全球各地仲有熱死人新聞，莫非真係世界末日？之不過地球一日未毀滅，依然可以享受性愛，但如果你都想為環保出一分力，以下幾個消暑體位，既爽快又Happy，咁做嗰陣咪連冷氣都唔使開囉！

喺呢種酷熱天氣下，有冇覺得個人愈砌愈慶，愈慶就愈唔爽呢？梗係啦！磨到大汗疊細汗，但開大冷氣又容易冷親，仲好容易因為空氣水分被抽乾而搞到囡囡愈做愈乾，所以喺冷氣房下纏綿，其實都未必可以盡興！要爽快，最好喺自然室溫下進行，但未出火先出汗又的確好難忍，有性學家就提出10式「Hot Weather Sex Positions」，難度一啲都唔高，只可惜香港地方所限，家居大多狹小，部分招式難以實現，今日細佬就抽出其中5式同大家分享，無論性經驗豐富與否都可學習。

射水騎乘

呢招係5式裏面最易做，可以喺浴室內進行，就算冇浴缸都玩得到！男方先伸直雙腿坐於地上，背後可靠牆，然後女方以同一方向騎坐於男方身上，對準位置就可以開始搞嘢。男方雙手可對囡囡上下其手作刺激，而女方就可以手執花灑，於親熱時向自己或伴侶射水降溫，Cool！

浴缸交纏

屋企有浴缸可以玩好多花臣，好似呢招咁，女方先躺喺半滿浴缸內，男方以正常位進入，如要達到降溫效果，水嘅分量應剛好遮到女方大腿一半為準，因為太多水會造成阻力，令進出過程唔暢快，最好再配合埋頂頭花灑向男方背脊射水，咁就包你爽死。

彎腰挺進

男方企直從後進入，女方就彎身雙手貼地做重心，專家話由於無需借助任何床褥或物件進行，加上雙方身體接觸面極小，對人體降溫大有功效，但難度在於男女高度或有差別及講求囡囡肢體柔軟度，一唔小心好易扭親！

櫈上起舞

體位有啲似膝上舞，男方平坐喺椅上，保持好重心後，女方面對面坐喺男方腿上，而小腿就放喺對方膊頭上，然後開始進行性愛。呢招既有深情交流，身體接觸又少，但記緊要將張櫈貼牆，咁就唔驚翻櫈啦！

浮床推車

有私人泳池嘅最好就喺浮床搞，玩法相當簡單，囡囡上半身趴喺浮床邊，男方從後抬起囡囡雙腿進入，不過好考驗男士臂力，奉勸各位玩之前不妨舉番幾日鐵先好試。