糖水波地難啃
電視節目《甜姐兒》有三位索爆女主持，而喺東莞一間骨場最近亦有三十多個甜姐兒駐場，不過，佢哋唔係介紹甜品，反而係餵客人食甜品。早前廈門有位骨場經理來電，話佢個場有新玩法，就係甜品套餐，客人可以按個人喜好選擇生果或糖水入房享用，然後一邊睇電視，一邊由囡囡餵食，絕對係帝王式享受。囡囡仲會用生果嚟調情，例如含住西瓜粒嚟吹奏，用糖水嚟玩波地，經理話反應相當熱烈喎！
老實講，夜場中人講嘅嘢真係只可以信一半，不過我都親身上咗去骨場視察一下，發現場內嘅裝修布置豪華舒適，可惜囡囡嘅服務態度就麻麻，餵食生果時，不但毫無笑容可言，一粒提子未吞，第二粒已送到唇邊，好似趕住收工咁。
至於玩糖水波地仲差，感覺黐立立，莫講話捽勻全身，掂上手都想即刻去洗手。骨場有創意當然係好事，但我認為呢個甜品套餐服務實在好難令客人玩得投入！