裸體公司
之前有一段英國新聞引起我極大興趣，內容指當地有一間公司為咗令員工與員工之間，關係變得更加融洽，於是召集同事一齊聚餐，不過大前提係要大家剝光豬，目的除咗係令大家了解對方嘅身體外，仲寓意放低包袱同成見，大家往後就可以由衷合作，大大增加工作效率。
或者裸體聚餐真係成效顯著，所以英國白金漢郡一間叫做Nude House嘅網絡軟件公司就要求屬下員工，於辦公室工作嘅時候全部唔着衫直到收工離開，或者外出見客先可以着番衫。
至於點解咁做，Nude House嘅發言人Chris Taylor就表示，公司實行呢個政策之後，員工肉帛相見久了，大家就唔會在意同事嘅身體，反而會更專注於業務發展喎！我諗係先生你嘅同事夠冷靜啫，換轉係我，一定掛住(目及)嘢而無心工作啦！