監獄風雲之鹹濕施刑

一講起「踎監」，相信唔少朋友都會話大吉利是，但日本千葉縣就有一間風俗店，毫不忌諱大玩監獄主題，除咗將現場布置到同監獄一樣之外，入嚟幫襯嘅客人，全部都要換上黑白間條嘅囚犯裝，變成監躉。不過最攞命嘅，係仲要接受女獄警嘅大懲罰。

聽見話要踎監，仲要畀人罰，換轉係你都一定唔會貼錢買難受，但係日本呢間監獄風俗店竟然大受歡迎，老闆仲話要喺全國開多幾間分店添！據客人講，當中有好多新奇刺激嘅玩法好吸引佢哋，究竟係乜嘢？依家馬上同大家介紹一下！

所犯何罪

客人一入到去風俗店嘅大堂，就已經有靚女負責招待，客人可以選擇囡囡同埋服務，而所謂服務，原來係睇你所犯嘅罪行而定，最基本就係「小偷」，懲罰係拆骨，即係全身按摩；再上一級就係「打劫」，懲罰係窒息，所指嘅係玩波地時用大包夾鼻哥。

而呢度最嚴重嘅罪行，原來係「非禮罪」，懲罰係打藤，聽落好似好恐怖，其實只係囡囡用SM皮鞭係咁意打客人屁股幾下。當然，如果你係「好」此道嘅朋友，要求囡囡打多幾下都冇問題。補充一句，除咗打屁股之外，其餘刑罰亦要一併進行。

必須通櫃

講番程序，原來客人揀好服務之後，就會被押解入獄，客人會先入風俗店嘅浴室，呢度有兩個囡囡負責替客人沖身，佢哋唔會直接接觸客人，全程只透過說話嚟吩咐客人點做，最後就用花灑替客人沖洗，真係幾有監獄風雲嘅味道，但原來好戲在後頭。

未入囚室前，仲要進行最重要嘅「通櫃」儀式，當然囡囡唔會用手嚟「通櫃」啦，佢哋會用各式各樣嘅後庭工具嚟替客人服務，如果客人唔願意，都可以揀唔通櫃嘅，但據店長講，大部分客人都樂於玩呢個遊戲。

明踩犯人

之後客人就要換上囚犯制服，入囚室接受所挑選囡囡執行嘅刑罰。假設你要接受嘅刑罰係拆骨，囡囡就會為你進行全身按摩，不過佢哋嘅按摩手法非常特別，唔係用手，而係用腳，睇落好似畀囡囡踐踏咁，但個個客人被踩完都話好舒服，比用手仲夠力度。

若然係玩「波地」，囡囡會用胸部令客人感到呼吸困難，之後就會手口並用咁替客人出火完事，如果犯非禮罪則要打埋屁股。呢間風俗店，最平嘅服務收費¥9,900，折約HK$924，單單出火都要收成千蚊，聽落好似幾乸脷，但計埋啲服裝、道具嘅成本，其實都算幾抵玩！