為瘦身戒色
近年纖體公司大行其道，無論搭車、睇電視、睇雜誌都可以見到大量相關廣告，更加有電影以減肥作題材添！本來問題都不大，不過身邊好多兄弟就大喊淒涼，因為佢哋嘅女友都有參加纖體減肥療程，但全部費用由男友負責。有啲識做女友為報答男友嘅慷慨，都會喺床上好好作出回報。不過，紐約嘅女仔就絕對唔會咁做，甚至會因為減肥而戒色添！
早前紐約一本健身雜誌進行咗一個網上問卷調查，主打訪問女士，結果發現有51%嘅受訪者表示，如果戒色一年可以令自己變瘦的話，絕對贊成，呢個調查結果顯示紐約女性盲目減肥嘅意識依然嚴重。專家指出性愛同減肥完全冇衝突，而性愛除咗可以享受快感，仲可以令身體更健康，就如做運動一樣，幫助消耗熱量，有助減肥就真！