耳仔生得高定低，好多人都以眉尾同耳尖嚟計，但一般人嘅耳尖根本去唔到眉尾咁高嘅位置，所以連正常都好難達標，原來咁計係錯嘅！計算耳仔高低，應該先將耳仔由耳尖到耳珠底，平分四段，再喺鼻尖畫橫線，到達耳尖計四分之一嘅位置，就算正常。
如果以橫線計偏高或偏低，就相等於耳仔生得高定低，今日就同大家講講耳仔生得偏低女仔嘅性格。原來佢哋十分感性，經常活喺自己幻想嘅世界當中，喜歡被人寵愛，愛聽甜言蜜語，所以做事一啲都唔實際，最弊就係成日都畀人呃，經常失金又失身！
要呃佢哋十分容易，只要有一個浪漫嘅邂逅，佢就會認定你係白馬王子，之後再刻意安排一餐浪漫嘅燭光晚餐，加上一番海誓山盟嘅甜言蜜語，嗰晚佢都幾難飛出你手指罅。同佢講錢、講現實？對唔住，佢哋一啲興趣都冇囉！