近年體壇狂吹「基」風，呢股風氣更席捲英超。前英國球壇惡漢法辛奴嘅姪女Amal近日受訪時，驚爆英超至少有7名球員係同性戀，Amal仲好無奈咁話就算想幫手，都不能公開佢哋嘅名，因為足球畀人感覺係好MAN嘅麻甩佬運動，同性戀變成禁忌話題，怕公開咗會令佢哋遭人歧視。

又難怪Amal會咁講，因為佢另一位叔叔、前諾域治前鋒J法辛奴，喺1990年成為英國首位「出櫃」嘅足球員，但佢之後不斷受到隊友同球迷侮辱，直到98年疑頂唔住批評之聲而吊頸自殺。

早前《每日鏡報》曾大爆有2名英超球星計劃「出櫃」，其中1位更加係英格蘭國腳，但至今冇晒聲氣，可見要喺英國球壇承認係同性戀嘅壓力幾咁大呢。