「我講過香港人現實，你有成績，香港人就會好支持。」短短幾句話，一針見血，擲地有聲。陳肇麒（陳7）馳騁香港球壇多年，壞男孩已變成港隊老大哥，看透了球圈現實，但香港人更現實的現象，這位南華前鋒相信，讓更多年輕球員上位才能延續香港足球熱潮！

港隊射手 陳肇麒

球壇現實港人更現實

由2009年東亞運擊敗日本奪金，到去年世界盃亞洲區外圍賽變全城熱話，陳肇麒看盡香港足球起落：「香港人好現實，你贏波咪支持你，如果之前港隊幾場都輸，我覺得一樣冇人睇。」的確，現實、善忘是香港人的特性，今次的港隊熱潮得以延續，全靠一班球員每場都盡力爭勝。

寄語年輕一代「唔係簽到大會就上岸」

港隊去年10月作客不丹一役，陳肇麒在89分鐘頂入致勝一球，助港隊贏波繼續力壓同組的中國，排小組第2，並令熱潮延續。雖然成為入球功臣，但「陳7」卻說現在代表港隊已經不及以前激動：「依家最重要係拎到好成績，都係時候睇吓有冇後生仔可以上到嚟，教吓佢哋點樣做一個好前鋒。」

「當你冇表現，冇成績嗰陣，你就要畀人淘汰。我覺得後生仔應該要有呢個諗法，唔好以為簽到大球會就上咗岸。」說香港人現實，其實球圈一樣現實，每年都有新球員加入，作為球員一定要保持良好心態，才能Keep住競爭力。「所以，我一直以嚟嘅諗法，就係要做到教練唔用我唔得，咁先證明到我有存在價值！」

18歲為傑志以正選前鋒上陣，陳肇麒絕對是少年得志。之後負面新聞纏身，不但令他成為球迷嘲諷對象，更要一度離開香港球壇。但這位昔日的壞孩子，今天已經變成港隊老大哥，站穩港隊正選位置，當中努力不懈的付出，確值得年輕一代學習。

圖/文：Martin、Iris