拓荒者控衞列拿特今年未有入選明星賽，昨日憑歌寄意喪Rap，藉此發洩不滿情緒。這位拓荒者主力一肚氣，明日主場迎戰有3名球員打入今年明星賽的勇士，定必打好波證實力！

（now678台周六早上11:00直播）

聽朝鬥勇士 單挑明星賽球員

列拿特去年因快艇球星格芬受傷，才得以打入西岸明星隊，今年又落選，自然不是味兒。藝名Dame D.O.L.L.A.的列拿特，昨日推出名為《They Sleep》的Rap歌，內容提及自己對落選明星賽的不滿：「等我話你知，我份人平時好謙，不過落到場好鬼癲。雖然入唔到明星隊，但係我有Flu-game（米高佐敦著名一役）嘅水準。上次佢哋唔叫我，我點？Game 6。」除了自詡拍住波神外，他亦重提自己2014年於西岸季後賽對火箭，第6戰射入致勝一球，帶領球隊勇闖第2圈的往事（拓荒者次圈負馬刺出局）。

拓荒者明日主場迎戰勇士，客隊今年有史堤芬居里、奇利湯臣及積蒙格連入選明星隊，列拿特誓以一身球技，力證自己不比一眾明星隊球員差！