李晉熙與周凱華除場上合作無間，場外亦是對方知心好友，猶如「大姐姐」般的Cathy為「細佬」解開感情煩惱，「光頭」亦經常大放笑彈，令平日不苟言笑的Cathy笑開懷。

光頭自言冇浪漫細胞

現實中的姊弟不少都愛爭吵，訪問當日講起感情事，本來較寡言的李晉熙即自爆閒時會向周凱華「問吓意見、睇吓有咩得着」，原來他自認毫無浪漫細胞：「我唔係好浪漫，Sorry！咪做番自己，唔搞咁多花臣，我係實際派嘛……玫瑰花同麵包，我會畀麵包先！」Cathy則苦口婆心勸道：「我本身已經好實際，但都會同佢講，間中都要畀啲浪漫吖，唔使一打玫瑰花，間中一支都好……」「光頭」又笑笑口反駁：「畀塊花瓣你就得！」

周凱華讚細佬夠幽默

Cathy平日甚少展露笑容，卻經常被李晉熙逗得開懷大笑，原來「光頭」極有幽默感：「一見到搞笑嘢就會諗起佢，佢模仿能力好強，可以令氣氛好好！」身旁的李晉熙隨即擺出「葉問師傅」架式，表情似足甄子丹，令「大師姐」又忍俊不禁。