效力葡萄牙乙組球隊洛里什的歐陽耀冲，趁當地聯賽歇冬返港度聖誕，昨晚特別入場觀看傑志對南華的港超大戰。近日關於「歐冲」去向傳聞不絕，有指他獲中甲球隊招手，甚至回歸港超。「歐冲」則大賣關子：「現時仲未有決定，我都好想多啲香港球迷睇到我嘅表現！」

「歐冲」（左）被粉絲野生捕獲。

「歐冲」甫落機便到最愛的「茶記」，品嘗掛念已久的地道港式早餐。「歐冲」昨到旺角場睇波，更直言技癢：「自己未有機會踢港超，依家氣氛比以前好得多。我特別想睇老友『傻邦』（梁振邦），睇佢係咪比以前更勁揪！」

「歐冲」在洛里什不乏正選機會，他表示葡乙在身體對抗及比賽節奏兩方面，都不遜葡甲。近日有傳他獲中甲球隊招手，甚至回歸港超。「歐冲」經理人Edison則透露正與不同球會斟洽，當中包括歐洲球會，暫時仍未有定案。「歐冲」本人就希望有更多香港球迷留意到自己的表現。