剛獲NIKE提供終生合約的勒邦占士，昨日復出即轟入33分，協助騎士主場以105:100勇挫拓荒者，終止3連敗頹勢。「霸氣大帝」於比賽途中又試「爆衫」，今季兩次撕爛波衫都贏波喎！

湯臣10個3分波幫勇士Win多場

據傳NIKE至少以每年6,000萬美元（約4.65億港元）與占士簽下終生代言合約，是該運動用品商44年來首位獲「終生合約」的NBA球星。「大帝」獲肥約後打波都特別醒神，昨日復出落場40分鐘貢獻33分、10個籃板、3次助攻、2次偷波和3次封阻，包括於末節獨取12分，成為騎士贏波功臣。昨仗騎士球員穿着有袖球衣落場，曾投訴「跳投時像被人拉着」的占士，繼1個月前鬥紐約人後再度撕爛衫袖，結果再次贏波而回。

同日，勇士憑奇利湯臣喪入10個3分波並攻入39分，作客以131:123擊敗溜馬，將開季連勝場數改寫至23場。