Letv樂視昨正式公布英超直播收費計劃,「金句王」黃興桂(Peter)及港隊門神葉鴻輝做嘉賓,Peter仲話好耐未講過英超,新球季若然有機會再講就正喇!

「金句王」黃興桂(左)同港隊門將葉鴻輝擔任樂視發布會嘉賓。

來季起英超Letv樂視取得直播權,邊個講波引起好多人關注。黃興桂已經幾季冇講英超,佢話好希望有機會再評述:「我自小已睇英超,自90年代起開始講英超,對這項賽事有情意結,若然Letv邀請我講波,我毋須考慮就會答應!」Peter又表示獲多年老友、國際頂級評述員馬田泰萊答應,會在每場賽前將所有「猛料」告訴他,並繼續發揮「金句王」本色:「價錢不是問題,我只想將最好、最新、最堅的料送給香港球迷,讓本地球迷知道英超有多神奇、頂級、超卓!」

樂視3種計劃彈性收費

Letv行政總裁莫翠天昨日亦公布來季「英超狂睇組合」3種收費計劃,1季1690元的費用將包括10個月賽事直播及附送2個月賽事精華;另有每3個月597港元、及每月229港元的彈性收費計劃,只需擁有樂視盒子、全系列超級電視、超級手機或即將推出的Letv App香港版四者其中之一,就可經不同平台觀賽;用戶需擁有「樂迷99狂睇組合」方可申請服務,並可在2016年1月起登記英超計劃,詳細資料有待進一步公布。莫翠天稱,其後兩季收費方式及價錢,均可能因應市場情況再作調整。