馬刺作客以51分狂炒76人！76人日前宣布，聘請美國籃協主席高蘭謝路出任球隊顧問，雖然這位新顧問昨日亦有入場，為新東家打氣，不過，即使馬刺收起真路比利、鄧肯及李安納等主力，仍以119:68怒炒對手，難怪客軍教頭普波維治賽後都直言，雙方實力差距「唔公平到荒謬」！

馬刺主力柏加（黑衫）在對手面前大騷球技。（美聯社圖片）

實力差太遠 普帥：直頭係荒謬

76人近年一心想在選秀會獲得潛力新星，故不惜在常規賽「揸流攤」，2013年至今戰績38勝148負。然而，球隊至今仍未見起色，今季更造出北美職業聯賽最差的跨季27連敗劣績，76人班主團遂向美國籃協主席高蘭謝路求救，高蘭謝路上任後亦坦承球隊問題多：「眼前要做嘅事堆積如山。」

昨日馬刺主帥普波維治收起真路比利、鄧肯及李安納3名主力，但76人依然「唔爭氣」，全隊投球命中率不到35%之餘，防守漏洞亦太多，讓馬刺得分予取予攜，終以51分慘敗，成為隊史第5最大分差敗仗。

普帥賽後說：「我戥巴特布朗唔抵，佢係一個好出色嘅教練，但係呢場唔係一場公平嘅比賽，直頭係荒謬！」