騎士日前於加時激戰不敵塘鵝後，教練比列昨日作客熱火，決定收起前一仗上陣45分鐘的「大帝」勒邦占士。面對沒有占士的騎士，熱火以99:84輕取對手。今仗攻入19分的主隊後衞韋迪，賽後對未能與占士一較高下表示失望，並向這位老友下戰書：「下次再見！」

大帝（右）冇份落場，照搵老友韋迪吹兩嘴。（美聯社圖片）

騎士於上周六作客塘鵝以108:114輸波，由於加時令他們行程要作出變更，昨晨5時才到邁阿密的酒店。由於眾將疲於奔命，教頭比列最後決定讓對塘鵝上陣達45分鐘的占士，於今仗休息，令到「大帝」季前定下打足82場的目標，季中未到就已經完結。比列事後解畫：「今次係我一個人嘅決定，占士毫無疑問想落場打波。我估佢（缺陣對熱火）係有啲失望，但係我有要逼佢休息嘅原因，我要佢今季保持健康。」

占士缺陣 韋迪失望

熱火面對疲憊不堪、沒有「大帝」的騎士，勝利有如探囊取物；他們有5人得分達雙位數，並將路夫壓制得貼貼服服，令這位星級大前鋒11射2中，連罰球都僅得5分進帳，以15分之差大勝。熱火後衞韋迪賽後向老友占士下戰書：「如果占士今場波有落場就正得多。希望下次再對賽嗰時會見到佢！」