球王美斯人氣爆燈，昨日宣布其Instagram粉絲數突破3,000萬大關，連NBA紅人史堤芬居里都被迷倒。這名金州勇士控衞自爆是美斯擁躉，因此特別拍片祝賀，同時預備自己的勇士30號球衣作為禮物，邀請美斯到金州觀看比賽，識英雄重英雄。

美斯的Instagram過去4個月急增1,000萬粉絲，成為C朗拿度、尼馬後第3個擁3,000萬IG粉絲足球員，美斯特別貼上他在西甲首演的30號球衣慶祝。同樣穿30號球衣的「咖喱仔」就拍片祝賀：「我想盡快邀請你嚟睇NBA，親手送呢件30號波衫畀你。」

邀球王到金州睇波

對自己獲封「NBA美斯」，居里表示：「我用雙手做啲花巧嘅事，講求創造力，呢個亦係美斯嘅風格，我真係好鍾意睇佢比賽。」

勇士明早會作客多倫多速龍，速龍昨晨主場105:106不敵金塊，至於熱火有韋迪攻入28分，主場97:95力克雷霆。