香港「桌球天王」傅家俊昨日於名將盃決賽，在父親、愛妻Shirley及兩位Cute爆囡囡撐場下有「着火」表現，以7:3擊敗兩屆世界冠軍「黃金左手」威廉斯，自1997年香港公開賽後首次在地頭捧盃，為出戰全英賽注下強心針。

傅家俊望住寶貝女時父愛滿瀉。

篤走威廉斯 攞番贏波嘅感覺

傅家俊在決賽手感火熱且甚少犯錯，更三度「起迫破百」，其中4局打出單桿136度，追平高特一棒最高度數成績。及至第10局，Marco「打過安全線」後，本想力爭造出最高度數，可惜打失尾二粉紅波，只能以124度埋齋，無法獨贏獎金。Marco賽後表示，今次奪冠為下周舉行的全英錦標賽打下強心針，並稱自己狀態愈操愈Fit。

今日舉家返回英國的Marco又說：「今次比賽目的係攞番贏波嘅感覺，並將呢種感覺帶去英國。呢個比賽一直水準都好高，我之前最好嘅成績係4強，所以真係冇諗過贏到冠軍。」他又透露奪冠關鍵在於夠穩定，重要時刻仍能保持信心。至於輸波的威廉斯，就未有以足踝受傷做輸波藉口，認為自己打得不好才會失落桂冠。

談及大女「包包」明年於香港入讀幼稚園，Marco笑說：「有人收先算。」並謂未知會否多抽時間留港，要視乎賽程而定，有可能因為比賽留在英國。