獲賽馬會慈善信託基金撥款3,100萬港元、並「封場」7個月重鋪草皮的香港大球場,昨日重開舉行「亞洲七人欖球外圍賽」,由10支亞洲區代表隊爭逐1個奧運資格,草地使用僅3小時已變得「爛溶溶」,幸香港男欖發揮未受影響,昨日3場分組賽全勝,今日只要殺敗馬來西亞,即可以小組首名殺入盾賽4強。

港欖(藍衫)表現大勇,以46:0大炒伊朗。

昨日7欖賽事僅開始3小時,大球場新鋪草皮多處已翻起,球員落地、攔截之時不時掀起「沙浪」,熱身區更極速變成沙地,球員衝刺熱身時即沙塵滾滾!全日賽事結束後,球場即派出職員逐處將草皮按平,記者欲拍攝球場情況時,卻遭球場保安出言阻止:「無嘢好影,啲草撳番平就無事啦!」

保安禁記者影相

網民狠批豆腐渣工程

不過就記者所見,草皮未見比重鋪前有改善,難以想像完成兩日賽事後,情況會惡劣至哪種程度,網民紛紛狠批工程「豆腐渣」、又指草皮「31蚊都唔值」,場地質素如此惡劣,難怪康文署早已「預計」到11月17日香港對中國的世界盃外圍賽,無法在大球場上演。

港男今贏馬來西亞即首名晉級

幸香港男子隊表現大勇,分別以46:0及29:0大炒伊朗及菲律賓;壓軸戰面對斯里蘭卡,上半場落後0:12劣勢下,獲在場近6千名球迷不斷高呼「香港加油」打氣,最終以27:12反勝。

港隊今日早上迎擊馬來西亞,若殺敗對手就會以首名出線;由於A組的南韓極大機會以次名出線,預計成為香港在同日上演的盾賽4強對手。

香港女隊發揮亦不俗,先後以36:5擊敗斯里蘭卡及5:0險勝中國,雖然之後以0:36大敗於日本手下,然而隊長鄭家慈表示會忘記過去,今日務求以最佳狀態迎接哈薩克及關島的賽事。