東網on.cc今日下晝5點鐘會為大家直播港隊迎戰緬甸嘅世盃熱身賽，「和仔」李健和仲會拍住「金句王」黃興桂（Peter）為大家講波，一個係本地足球Icon、一個係體壇字典，坐埋一齊一定多火花！半場休息嗰陣，Peter仲會為大家訪問兩位嘉賓，一個係馬圈大紅人、一個係影視紅星，大家估唔估到係邊個呢？
直播期間，如果球迷想同「和仔」、Peter互動吓，仲可以去facebook專頁「我撐本地波」留言o架！
