公牛昨日於揭幕戰主場大戰騎士，身為公牛粉絲的美國總統奧巴馬，亦有入場睇波打氣，見證愛隊以97:95力克對手，取得今季首勝。

奧巴馬（黑衫）見到愛隊贏波勁開心。（美聯社圖片）

居里3節取40分 勇士大勝

奧巴馬日前在白宮祝賀於今夏捧女子世盃的美國女足後，就飛往芝加哥準備向當地警察致詞，並趁機走入聯合中心支持愛隊公牛。公牛未有令「第一牛粉」失望，完場前憑加素封走勒邦占士追和一擊，以2分險勝，亦令新教頭賀爾貝治取得上任後首場常規賽勝利。今仗攻入18分的「牛魔王」戴歷羅斯，賽後表示其複視問題仍然存在，不能以眨眼重新對焦，今場只用一隻眼比賽：「好似依家咁，我見到兩個你（記者），所以比賽時我將左眼合上，練波時已經慣咗。」

西岸方面，上季總冠軍勇士主場對塘鵝，賽前舉行升冠軍旗及頒發冠軍指環儀式。史堤芬居里今戰手感火燙，首節已取得24分，只用了3節時間就攻入40分，並有7次助攻，助球隊以111:95大炒塘鵝。