黃蜂新控衞林書豪（J.Lin）昨日於作客魔術的季前賽，後備上陣25分鐘表現出色，除交出7次助攻外，更攻入全隊最高的17分，助球隊以106:100擊敗魔術，表現十分搶眼。黃蜂小前鋒基爾基士堤一次進攻時摔倒，肩膀甩骹將要缺陣一段時間。

「林瘋」（中）今場表現光芒四射。 （美聯社圖片）

基爾基士堤膊頭甩骹

J.Lin今戰狀態大勇，全場10射5中，連同5個罰球共攻入全隊最高17分，手風頗順，而且交出7次助攻，失誤控制於2次之內，成為贏波一大功臣。27歲的「林瘋」賽後大讚球隊今戰表現：「訓練營一直都係自己人對打，今場可以同其他球隊比賽，感覺特別好。今場大家表現都好好，傳送好流暢，好多空位起手。如果我哋每場都可以咁打，今季應該會唔錯。」

不過黃蜂今仗亦收到壞消息，基爾基士堤只打了13分鐘，於一次進攻被侵犯摔倒受傷，其後送到奧蘭多市內的醫院接受治療，事後證實右肩膀甩骹，下仗對熱火肯定不能上陣，至於要休養多久，就要在進一步檢查後才可得知。