「這制服～一穿上～彰顯鬥志的徽章～」莫耀強搞波出錢出力，還大開金口！流浪會歌《打打氣》兩年前面世，上YouTube有得睇埋MV，夠爆又夠誠意，依家每逢流浪主場比賽，都可以聽到「莫生」歌聲，他笑說：「我真係好鍾意唱歌，近年仲返內地登台搞演唱會添。」
除了搞波搞演唱會外，莫生亦兼任港隊名譽領隊，亦是籃球總會副會長，今季有份搞福建，並照顧香港籃球代表隊對外之比賽，名副其實百足咁多爪！
