籌備已久的英超名宿賽事「SKY KIDS英超足球大師邀請賽2015」香港站終於成事，由曼聯、利物浦及阿仙奴等合共16位球壇名將於10月初東來，10日先在佛山獻技，15日假小西灣運動場與「香港傳奇」進行表演賽，兩位孭重飛球星史高斯及麥馬拿文均答應訪港，聯同科拿、皮利斯、比堤等經典名將，炮製史上其中一場最豪華的表演賽。

足總主席梁孔德（右四）昨出席英超大師賽記招。

「馮奇」：賺蝕都要搞

今次賽事搞手、前港隊代表兼SKY KIDS足球總監馮嘉奇指出：「好榮幸代表SKY KIDS將英超足球大師賽首次帶到香港，雖然籌辦過程經歷不少波折，賽事成本不菲，又因大球場翻新工程要移師小西灣舉行，但我們不計賺蝕都堅持舉辦比賽，期望得到球迷支持。」

促成英超球星今次東訪，「馮奇」稱全靠一位前伯明翰同事搭路：「我曾到英國讀書，又到過伯明翰工作，在一次舊同事聚會中，獲悉有個英超球員組織可以斟介東來，結果搵齊港人喜愛的球星。」其中最孭飛的兩位球星，史高斯看過訪港名單後認為「啱腳」已覆實會隨隊，另一名將麥馬拿文在10月11日到杜拜出席朋友宴會後，亦會來港歸隊。至於主隊「香港傳奇」隊員則包括張志德、山度士、譚兆偉及陳發枝等。

鬥香港傳奇周五賣飛

適逢「五一九」30周年，賽會希望藉此向已故名將胡國雄致敬，當日頭場傍晚6時由精工元老隊對SKY KIDS邀請隊，正場8時英超足球大師對香港傳奇，為鼓勵父母帶同子女入場，『一大一細』購票會有折扣優惠。門票分為$680、$250、長者及學生票$150，其中$680貴賓票可獲贈復刻版球衣一件，一次過購買$250及$150兩種門票，票價折實為$330，門票定於周五（25日）起於購票通公開發售。